हिंदी मंत्रणसभा,कोट्टारक्करा

 

എസ്സ്.എസ്സ്.എല്‍.സി. പരീക്ഷക്ക് ഇനി ........ദിവസം

തയ്യാറെടുപ്പുകള്‍ ആരംഭിച്ചാലോ? ആരംഭിക്കാം അല്ലേ?

പക്ഷേ ഇത്തവണ ഒരു വ്യവസ്ഥയുണ്ട്.

ഒന്നാമത്തെ യൂണിറ്റിനെ ആധാരമാക്കി ഒരു ചോദ്യപേപ്പര്‍ പ്രസിദ്ധീകരിക്കും.

ഒരു ചോദ്യപേപ്പര്‍ കൊണ്ട് ഒരു യൂണിറ്റിന്റെ സമഗ്രവും സമ്പൂര്‍ണ്ണവുമായ റിവിഷന്‍ സാധ്യമല്ലെന്ന് തീര്‍ച്ചയാണല്ലോ?

അപ്പോഴെന്താ വഴി?

താങ്കള്‍ക്കും എന്തുകൊണ്ട് ഒരു മെറ്റീരിയല്‍ തയ്യാറാക്കിക്കൂടാ?എന്തുകൊണ്ട് താങ്കളുടെ ആശയങ്ങളും മറ്റുള്ളവരുടെ മുന്നില്‍ അവതരിപ്പിച്ചുകൂടാ?

ഒറ്റക്കു തുഴഞ്ഞാല്‍പോകാവുന്നതിലേറെ ഒരുമിച്ച് തുഴഞ്ഞാല്‍ ചെന്നെത്തിക്കൂടെ ?

ഇടതു വശത്തെ ഗാഡ്ജറ്റില്‍ ഒന്നാം ടേമിലെ ചോദ്യപേപ്പറുകളുമായി ബന്ധപ്പെട്ട ഡൗണ്‍ലോഡുകളുടെ എണ്ണം 500 ന് മേലെ ചെന്നത്തിയിരിക്കുന്നു. കമന്റുകളോ? മിക്കവരും നിശ്ശബ്ദരാണ് !

നമ്മുടെ ബ്ലോഗ് COPY LEFT എന്ന ആശയത്തില്‍ വിശ്വസിക്കുന്നു. വിവരസാങ്കേതികവിദ്യയെ ഭയപ്പാടില്ലാതെ സമീപിക്കാന്‍ സഹായിച്ച, മികവുകാട്ടിയപ്പോഴെക്കെ പ്രോത്സാഹിപ്പിച്ച മാസ്റ്റര്‍ ട്രൈനര്‍മാര്‍, കോട്ടയ്ക്കല്‍ രാജാസ് ഹൈസ്കൂളില്‍ വച്ച് നടന്ന ക്യാമ്പിലെ ഹക്കീം മാഷുടെയും ഹസൈനര്‍ മാഷുടെയും ഒപ്പം ചിലവഴിച്ച സമയം കിട്ടിയ തെളിച്ചം .ദിശാബോധമില്ലാത്ത ബ്ലോഗിങ്ങിന്റെ ആദ്യകാലത്ത് ആത്മവിശ്വാസം നല്കിയ മലപ്പുറത്തെ റസാക്ക്മാഷെപ്പോലെയുള്ളവരുടെ കമന്റുകള്‍..ഇതൊക്കെയാണ് COPY LEFT എന്ന ആശയത്തിലേക്ക് എത്തിച്ചത്.

പലരും ബ്ലോഗ് ഉള്ളടക്കം കോപ്പി ചെയ്യാന്‍പോലും അനുവദിക്കാതെ ലോക്ക് ചെയ്ത് വയ്ക്കുമ്പോള്‍ നമ്മുടെ ബ്ലോഗില്‍ നിന്ന് കോപ്പി ചെയ്യുന്നതിനോ മറ്റോരിടത്ത് പോസ്റ്റ് ചെയ്യുന്നതിനോ യാതൊരു തടസ്സവുമില്ല. കൂടുതല്‍ പേരിലേക്ക് എത്തുന്നതില്‍ സന്താഷം മാത്രം!! (കോപ്പി ചെയ്യാന്‍പോലും അനുവദിക്കാത്തവര്‍ക്ക് അതിന് മതിയായ ന്യായീകരണങ്ങളുണ്ടാകാം.. നമ്മുടെ നിലപാട് വ്യക്തമാക്കിയെന്നു മാത്രം.ഒരിക്കലും ആരേയും ആക്ഷേപിക്കാനല്ല ഈ സൂചന)

പറഞ്ഞ് കാട് കയറിയോ? വ്യവസ്ഥ പറയാം. ഈ പോസ്റ്റിലേക്ക് കൂട്ടിച്ചേര്‍ക്കലുകളുണ്ടാകണം.അത് കമന്റുകളിലൂടെയാകാം...ടൈപ്പു ചെയ്തയച്ചു തരികയുമാകാം.

ടൈപ്പു ചെയ്യാനറിയില്ലെങ്കിലോ?

എഴുതി സ്കാന്‍ ചെയ്കയച്ചാലും മതിയാകും !ടൈപ്പു ചെയ്തെടുത്തുകൊള്ളാം!

പ്രതികരണം നന്നെങ്കില്‍ മുന്നോട്ട് പോകാം. ഇല്ലെങ്കില്‍ മിക്ക സ്കൂളുകളിലെയും ക്ലബ്ബുകള്‍ പോലെ ഉദ്ഘാടനവും സമാപനവും ഒരുമിച്ചാകാം..എന്നാല്‍ നമ്മുടെ സുഹൃത്തുക്കള്‍ അതിനനുവദിക്കില്ല എന്നുതന്നെയാണ് ഞങ്ങളുടെ വിശ്വാസം...