Sunday, June 26, 2016
चक्रव्यूह
चक्रव्यूह -അകവും പുറവും ഒരേ സമയം ഒരു ഭ്രമണപഥത്തിലെന്നോണം മഹാരഥികള് അവരവരുടെ യുദ്ധസ്ഥാനങ്ങള് മാറിക്കൊണ്ടിരിക്കുന്ന സേനാവിന്യാസമാണു ചക്രവ്യൂഹം. യുദ്ധമുന്നണിയിലുള്ള ഒരു മഹാരഥനെ പിന്വലിച്ചു മറ്റൊരാള്ക്കു് എളുപ്പംപകരക്കാരനാവാം എന്നുള്ളതാണു പ്രധാന നേട്ടം. എതിരാളികള് ഒരേ ദിശയില് യുദ്ധം ചെയ്യുവാന് നിര്ബന്ധിതരാകുകയും, വ്യൂഹം ചമച്ചവര്ക്കു തങ്ങളുടെ ഡിഫന്സീവ് പൊസിഷനിലുള്ളവരെ വേഗത്തില് മാറ്റിക്കൊണ്ടു യുദ്ധമുന്നണി എല്ലായ്പ്പോഴും സജീവമാക്കി നിലനിര്ത്തുകയും ചെയ്യാം. ഇതുകൊണ്ടുതന്നെ ചക്രവ്യൂഹം സൃഷ്ടിക്കപ്പെട്ടുകഴിഞ്ഞാല് അതു ഭേദിക്കുന്നതു ദുഷ്കരമായ ഒരു പ്രവര്ത്തിയുമാകുന്നു. ചക്രവ്യൂഹത്തിനുള്ളിലും പുറമെ നടക്കുന്നതിനു സമാനമായ നീക്കങ്ങളാണ് നടക്കുന്നതു്. ഇവിടെ വ്യൂഹത്തിനകത്തു ബന്ധിക്കപ്പെട്ട യോദ്ധാവിനു അവിശ്രമം മാറിമാറിവരുന്ന എതിരാളികളോടും സ്ഥിരമായി ദ്വന്ദം സ്വീകരിക്കേണ്ടിവരുന്നു. ഒരേ സമയം ഒന്നില് കൂടുതല് പേര് ആക്രമിക്കുകയില്ലെന്നതുകൊണ്ടും, പിന്നില് നിന്നുള്ള ആക്രമണങ്ങള് ഒഴിവാക്കുന്നതും കാരണം ചക്രവ്യൂഹം അധാര്മ്മികവുമല്ല. ഒരാള്ക്കു പലപേര് എതിരാളികളായി വരുന്നതിന്റെ ക്രൂരതയുണ്ടെന്നുമാത്രം.
മഹാഭാരതത്തില് പരാമര്ശികപ്പെട്ടിട്ടുള്ള ചില സേനാവ്യൂഹങ്ങള്
1. ക്രൗഞ്ചവ്യൂഹം (കൊക്കിന്റെ ആകൃതി)
2. മകരവ്യൂഹം (മത്സ്യത്തിന്റെ ആകൃതി)
3. കൂര്മ്മവ്യൂഹം (ആമയുടെ ആകൃതി)
4. ത്രിശൂലവ്യൂഹം (മൂന്നുമുനയുള്ള ശൂലത്തിന്റെ ആകൃതി)
5. ചക്രവ്യൂഹം (കറങ്ങുന്ന ചക്രത്തിന്റെ ആകൃതി)
6. കമലവ്യൂഹം (പൂര്ണ്ണമായി വിരിഞ്ഞ താമരപ്പൂവിന്റെ ആകൃതി)
7. ഗരുഢവ്യൂഹം (ചിറകുവിരിച്ച പരുന്തിന്റെ ആകൃതി)
8. അര്ണ്ണവ്യൂഹം (സമുദ്രാകൃതി)
9. മണ്ഡലവ്യൂഹം (ആകാശഗംഗയുടെ ആകൃതി)
10. വജ്രവ്യൂഹം (മിന്നലിന്റെ ആകൃതി)
11. ശക്തവ്യൂഹം (സമചതുരാകൃതി)
12. അസുരവ്യൂഹം (രാക്ഷസാകൃതി)
13. ദേവവ്യൂഹം (അമാനുഷാകൃതി)
14. സൂചിവ്യൂഹം (സൂചിയുടെ ആകൃതി)
15. ശൃംഗാരകവ്യൂഹം (വളഞ്ഞ കൊമ്പിന്റെ ആകൃതി)
16. അര്ദ്ധചന്ദ്രവ്യൂഹം (ചന്ദ്രക്കലയുടെ ആകൃതി)
17. മാലവ്യൂഹം (പുഷ്പചക്രാകൃതി)
Subscribe to:
Post Comments (Atom)
यह ब्लोग हिंदी अध्यापक बंधुओं को खासकर हाईस्कूल अध्यापकों को बहुत सहायक हैं। आशा करता हूं कि उच्च स्तर पर पहुंचें।
ReplyDeleterajbnv@gmail.com
ReplyDelete